بسم الله الرحمن الرحيم
بصراحة مش عارف إزاى أقدم للموضوع ده … أنا فعلا مش لاقى أى بداية غير
( حسبنا الله ونعم الوكيل)
:::
:::
لما يكون حاميها حراميها … ويكون القاتل هو حارس الأمن … ومتبقاش عارف مين المجرم من القاضى … ولما تلاقى نفسك بيحمك بعض المرضى النفسيين …. يبقى انت أكيد … أكيد فى مصر
:::
:::
( حسبنا الله ونعم الوكيل )
:::
:::
بالصدفة عثرت على جريمة أخرى من جرائم رجال الشرطة – اللى المفروض إنهم فى خدمة الشعب – ولكن هذه المرة الجريمة تختلف عن سابقاتها بكتير
:::
:::
وحسبنا الله … ونعم الوكيل
:::
:::
لو دققت النظر فى الصورة دون أن تقرأ الموضوع ستتوقع على الفور أن هذا الصبى ضحية جنود أمريكان أو يهود فى الأراضى المحتلة ولكن ….؛
هذه الصورة من قلب : ….. مصر
ده طفل …. قصدى كان طفل عنده اتناشر سنة … ده ضحية لأمناء الشرطة فى المنصورة
التفاصيل بالصور … لكن رجاااااء : ممنوع لضعاف القلوب
الوعي المصري تكشف كذب تقرير الطبيب الشرعي
وكذب مساعد وزير الداخلية إياه معتاد الكذب
التقرير قال جثة الطفل محمد ممدوح ليست بها أثار تعذيب
وأن محمد مات بالسكتة القلبية
الآثار دى تدل على طفل مات بالسكتة القلبية يا عاااااااالم؟؟؟
إليكم الصور الفاضحة ::؛
كهرباء فى المؤخرة والخصية
:::
آثار التعذيب واضحة جدا على جسم الطفل
: أم محمد تقول
ابني كان رايح القسم سليم زي الحصان
ابني فتحوله جنبه في القسم
الكابتن سيد بتاع المركز هو اللي واخده من هنا وكان معاه اربع مخبرين تبع قسم المنصورة
قعدت أصوت في القسم قام المأمور بعته مستشفى الصدر
في مستشفى الصدر الدكتور قال لي ده عامل عملية
ابني عملوله عملية في المركز
الواد كله محروق وظهره مكسور
وديته الجامعة قالولي دي مش عملية دي مفتوحة غلط
وبعدين طردوه من المستشفى
المستشفى عرصت على المأمور بتاع المركز
خدوه بعربية مخصوص ورموه على الكوبري
رموه عند موقف المنصورة بتاع الدراسات
كان مرمي خلصان خالص والناس الله يصلح حالهم جابوه
بقاله يومين في البيت
أعمل إيه يابا مانا ماليش ضهر وبعت اللي ورايا واللي قدامي
ممكن ادخل السجن في اي وقت وعليا فلوس قد كده وباجري على خمسة
اخوه ابراهيم ممدوح لسه في المركزخدوه علشان ما يتكلمش
دول قلبهم بقى يهودي وها يعملوا في اخوه زي ما عملوا فيه
كل اللي جوه في المركز بيعملوا فيهم كده
ابني وابن غيري
اقول ايه بس بعد ما عيالي راحوا
من يوم ما جوزي مات محدش بيجري عليا واتداينت واتهانت
ده حرق كهربا
سلسلة ضهره مكسوره اهه
وجنبه مخروق
هو فيه عمليات بتتعمل في المركز
مستشفى الصدر طردوه
الدكتور في الجامعة قال لي عملية رئة ايه يا حاجة
دي مش عملية ده حد خابطه بحاجة يا حاجة
وباقول يا رب ربنا ينتقم منهم ربنا ينتقم من الظالم
ربنا ينتقم من اللي في المركز بتاع المنصورة كلهما حلتيش حاجة علشان ابيعها
معندناش حمام وبنملا المية من بره
لما انا سبته في المستشفى ومشيت طردوه
قالوا طردناه علشان كان بيقطع في المراتب
هو بيتحرك اصلا علشان يقطع في
يقولي التمرجية حطوني في عربية ورموني في الموقف
وواحد ابن حلال ركبه عربية محلة دمنة
وواحد تاني جابه بتوك توك لحد البيت
جالي مرسال ابنك في مستشفى الصدر
رحت التمرجية قالولي ممنوع تقعدي معاه علشان هنا قسم القلب
—————————————————–
وأخيرا … لا أملك إلا أن أسأل بعض الأسئلة التافهة
هل أصبحت مصر جوانتنامو ؟؟؟
هل أصبح رجال الشرطة : جنود أمريكان ؟؟؟
هل إذا ثبت تورط هؤلاء الأمناء ستتم معاقبتهم بالقانون … أم بالـ ( كوسة ) ؟؟
من المسئول ؟؟ ( حبيب العادلى – حسنى مبارك – رئيس الوزراء – القانون ) أم … الشعب المصرى ؟؟؟
متى يتغير هذا الوضع ؟؟
ما هو حقى على وزارة الداخلية وماهو حق وزارة الداخلية على ؟؟؟
حسبى الله ونعم الوكيل
فى النهاية … عايزك تكتب وبصراحة فى تعقيبك أول حاجة خطرت فى بالك بعد ما قريت الموضوع ده
اللهو الخفى قال,
سبتمبر 19, 2007 في 3:30 م
وربنا بجد و صيامي ما بحبش الريس و نفسي اشوفه بيتعذب و هو بيموت و الوزراء اتباعه و اتباع الشيطان .مش عارف ,عجز القلب و اللسان عن الكلام و لكن اكيد في يوم هيبقى في انتقام.
الغلط غلطنا اننا بنخوف ولدنا منهم لازم نعلمهم انهم يثوروا و يبقوا ايد وحده و نقف معاهم في مظاهرات ونطالب بحقنا.ثانيا يعني حتي لو الولد اللي اتبهدل بتاع خنقات و شتم الريس ما يتعملش فيه كده ,اذا كان اللي شتم الرسول و ربنا ما اتعملش فيهم كده و اتقال حرية…تعبير ,انا بجد ممكن اشتم علشان الصورة لصقه في راسي بس بجد ما يستهلوش اي ثواب . انا متاكد من ان الاسلام بريء منهم , اللي بيجي علي الغلابه ما بيكسبش. مَثل مصري قديم كان بيتقال. هو علشان فقره كانوا فاكرين انهم هيخافوا و مش هيتكلموا
انا بجد شايف ان لو الريس مهتم بالكرسي اللي لصق فيه غصبا عن اهلينا و عننا يشيل (وزير المدابح الداخليه) و يعين (وزير دخليه) بس ثانيا يقفل المراكز اللي فيها تعذيب و اخيرا كده حرااااااااااااااااااااااااااااام
و عييييييييييييييييييييييب علي الرجاله تضرب صغير ده كان قانون شارع مش قانون امن
ان لله و ان اليه لراجعون
وحسبنا الله ونعم الوكيل
توتا قال,
أكتوبر 18, 2007 في 5:06 م
حسبي الله و نعم الوكيل بجد انا مش مصدقة مهما كان اللي بيعذب فهو في النهاية انسان ازاي قدر بجد حرااااااااااااااااااااااااااااااااام انا شفتها فيديو علي موقع تاني اقسم بالله بقالي 4 ايام مش قادرة اكل لقمة اتقوا الله حرااااااااااااااااااام
moga قال,
ديسمبر 8, 2008 في 10:55 م
حقا ما قالتة ام كلثوم وكان نفسى اترجم كلامها بس بعد الشفته فهمت كل كلمة وكل حرف وكل ال اقدر اقولة ربنا على الظالموالمفترى وابن الحرامويرينا يوم فيهم وينتقم فى اعز ما عندهم امييييييين