فلنبكى
سبتمبر 13, 2007 في 10:30 ص (لحظات, مقالات وأدبيات)
يقول العلماء: “اذا احسست برغبة في البكاء فلا تحبس دموعك، فان كثيرا من الآلام والاحزان والغضب تسيل مع هذه الدموع“، كما
ان العلم يقول ان دموع المرأة اسرع من دموع الرجل. فهي تتعلم البكاء قبل الرجل فتربية البنات تحتاج الى قدر كبير من الحزم قد لا يحتاج اليه الصبي، لهذا فهي تبكي لانها تعاقب اكثر مما يعاقب شقيقها
وبعض علماء النفس يعتبرون بكاء الكبار عودة الى الطفولة.. انهم يبكون لانهم بحاجة الى عطف من حولهم ويبكون لانهم لا يجدون وسيلة للتنفيس عن الضغط النفسي الا الدموع، ويبكون حزنا وقهرا وفرحا ايضا
وبكاء المرأة الذى يراه البعض أكثر من اللازم لا يرجع فقط الى طبيعة المرأة الفسيولوجية او النفسية وانما يعود ايضا الى اسباب علمية، فالمرأة أكثر بكاء من الرجل بسبب هرمون يدعى “البرولاكتين” الذي ينظم إفراز اللبن وينشط نمو أنسجة الثدي، وهذا الهرمون يفرزه الجسم كرد فعل للتوتر والأحزان ولمشاعر الاكتئاب التي تنتاب المرأة وهو يرتبط بالبكاء
والبكاء بالنسبة للرجل والمرأة أسلم طريقة لتحسين الحالة الصحية وليس دليلا على الضعف أو عدم النضج، وهو أسلوب طبيعي لإزالة المواد الضارة من الجسم التي يفرزها عندما يكون الإنسان تعسا أو قلقا او في حالة نفسية سيئة، والدموع تساعد على التخلص منها. ويقوم المخ بفرز مواد كيميائية للدموع مسكنة للألم
والبكاء أيضا يزيد من عدد ضربات القلب، ويعتبر تمرينا مفيدا للحجاب الحاجز وعضلات الصدر والكتفين، وبعد الانتهاء من البكاء تعود سرعة ضربات القلب إلى معدلها الطبيعي وتسترخي العضلات مرة آخرى وتحدث حالة شعور بالراحة، فتكون نظرة الشخص إلى المشاكل التي تؤرقه وتقلقه أكثر وضوحا، بعكس كبت البكاء والدموع الذي يؤدي إلى الإحساس بالضغط والتوتر المؤدي إلى الإصابة ببعض الأمراض مثل الصداع والقرحة
وفى المجتمعات الشرقية ربما يعتبر بكاء الرجل شيئا مشينا او دليلا على الضعف، الا ان الحقيقة ان للرجل الحق فى ان يبكي، فكبت الدموع ربما يعرض الإنسان رجلا كان او إمرأة للخطر فقد يصيب بأزمات القلب واضطرابات المعدة والصداع وآلام المفاصل. ويرى العلماء من ذلك ان عمر المرأة اطول من عمر الرجل لأنها لا تتردد فى ترك العنان لدموعها ولا ترى فى ذلك حرجا، وبالتالي يسهم ذلك فى راحتها النفسية والجسدية، اما الرجل – فى المجتمعات الشرقية بالذات- فمع تعرضه للضغوط وفي الوقت نفسه تحفظه بشأن البكاء
وبعملية حسابية بسيطة وجد العلماء ان المرأة نظريا تكون اطول عمرا، ولذلك يحذر العلماء الرجال بقولهم : لا تدع المرأة تفوز عليك بالعمر الطويل0
شيماء
" الاستفتاء الشهرى : سبتمبر 2007 "
سبتمبر 7, 2007 في 11:35 م (استفتاءات)
لا أجد مبررا لما يقوم به النظام من اعتقالات ضد الإخوان المسلمين , هل وصلت درجة الرهبة والفزع من قوة الإخوان المسلمين إلى حد الهمجية فى الإعتقالات ؟؟
لقد أصبحت العلاقة بين نظامنا الحاكم – باشا – وبين الإخوان المسلمين أشبه بالعلاقة بين الولايات المتحدة الأمريكية وبين تنظيم القاعدة , نفس الرهبة داخل النظام من الإخوان هى نفس الرهبة داخل الولايات المتحدة من تنظيم القاعدة , ولكن ثمة فرق فى طريقة التعامل مع الغريم
: لنعقد مقارنة بشكل منطقى
فالولايات المتحدة تسعى فى حربها على تنظيم القاعدة إلى كسب أرضية وتفاعل الرأى العام , فهى بحاجة إليه .. ورغم معارضة الأغلبية لسياساتها ضد تنظيم القاعدة إلا أنها تحاول بواسطة حلفائها السيطرة على الرأى العام العالمى لأنها فى النهاية لا تريد أن تخسر تعاطف الناس معها فيما تسميه ( حربها ضد الإرهاب ) .. وتحاول جاهدة أن تقنع العالم أن فى وجود ( تنظيم القاعدة ) لا يوجد أمان فى العالم , وفى ذلك مكسبا كبيرا للولايات المتحدة
أما نظامنا الحاكم فلا يفكر إطلاقا فى نيل تعاطف الشعب ولا يفكر فى خطورة ذلك .. فهو يقوم بحملات موسعة من الإعتقالات والإنتهاكات ضاربا بالرأى العام عرض الحائط , لذلك لا يحكم عليه إلا بالغباء المطلق , ويمكننا القول بأن الولايات المتحدة أكثر ذكاءاً من نظامنا الحاكم باشا
ثانيا : حملات الولايات المتحدة على تنظيم القاعدة تنقسم إلى
حملات عسكرية …. وحملات إعلامية
حملات عسكرية : تلك التى تشنها الولايات المتحدة ضد معاقل طالبان فى أفغانستان وغيرها من أراضى تنظيم القاعدة فى العالم , ولكنها لا تقوم بهذه الحملات إلا بعد اطلاق النوع الثانى من الحملات
وهو الحملات الإعلامية : وتلك هى الوسيلة التى تبرر بها للعالم ما تقوم به من هجمات على التنظيم الإرهابى كما تزعم
أما نظامنا الحاكم باشا : فلا يعرف سوى نوعا واحدا من هذه الحملات , وهو الحملات العسكرية , بطريقة غبية يقوم بالإعتقال والسجن والمنع من السفر وغيرها من الطرق القهرية التى تخالف قوانين حقوق الإنسان .. ولا يكترث بمبررات أو بغيره .. ربما كان ذلك لأنه يعرف أن الشارع المصرى لن يصدق مبرراته ولن يقتنع بها .. وذلك لكثرة التفانين الملحوظة فى تلفيق التهم للإخوان
:: ::: :: ::: ::
فى رأيك .. من الأكثر ذكاءا فى حملته ضد غريمه؟؟
ــــــــــــــــــــــــــــ
الولايات المتحدة فى حملتها ضد تنظيم القاعدة
الولايات المتحدة × تنظيم القاعدة
( أم )
نظامنا الحاكم باشا فى حملته ضد الإخوان المسلمين ؟
الحكومة المصرية × جماعة الإخوان المسلمين
ـــــــــــــــــــــــــ
قم بالتصويت فى الاستفتاء أعلى الجانب الأيمن
إلى ياسمينتى .. أحبك
سبتمبر 7, 2007 في 3:17 م (فى الوادى)
احبك ..
.. لا زلت أعشق عينيك رغم الدموع.. ورغم الفراق وطول الحصار
ورغم انتهائى
.. ورغم الحطام الذى حل بى ..ورغم الدمار
.. ورغم اندلاع الحرائق فى لافتات الرجوع
.. لا زلت أعشق عينيك رغم تلاشى الأمل
ورغم رحيل الشموع
……..
- أحبك -هل تعلمى ما هو الحب ؟؟.. ذاك الذى حين فجر بين الضلوع
..انتهى عصر قلبى
وانتفضت بين جنبى روحى ؛
..ابتهاجا بمقدم عصر الربيع
.. وفصل الدمـوع
……
- أحبك -
.. أحبك وحدك
..لكننى لست وحدى أحبك
فالكل فى موطنى عاشق لك
.. انت الأميرة فى عصرنا
- عصر موت القمر -
.. أنت أجمل ما فى الوجود
وأجمل ما فى الصور
: انت سيدة الأرض
حين تبتسمى
..سيعم السلام
.. وينتحر الشر
..وإن تحزنى
… سيضيع الربيع
وإن تحزنى
..سوف تزوى الطيور لأعشاشها
وستسقط ما بين عينيك كل النجوم
وسيبدا عهد العدم
..وعصر الوجوم
وسيحجب عنا الأمل
.. البكاء
.. الليالى الجميلات
.. أحلام كل البشروسيمنع عنا الندى .. والمطر
فلا تحزنى
باسم كل الطبيعة ..لا تحزنى
ودعينى أحبك
كى لا أضيع
…. أحبك
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
إهــــداء
إهداء إلى روح قلبى وحبيبة عمرى التى لم أرها منذ سنين .. إلى تلك الطمأنينة التى خلف فراقها الخوف ، وتلك الفرحة التى
غيمت بعدها السما ، وأمطرت الأحزان .. إليها .. إن تذكرتنى أو لم تتذكرنى ..
.. ( إهداء إلى ( ياسمين
وحشتينى
سبتمبر 7, 2007 في 2:49 م (فى الوادى)
وحشتينى أوى
.. مش عارف أوصفلك قد إيه
وحشتينى
وحشتنى عيونك .. اللى مش قادر اطلعها من دماغى
وحشتنى إيديكى .. وهيا حاضنة إيديا لما كنا بنتمشى سوا
وحشتنى همومك اللى كنت باشتالها .. وانسى همومى
وحشتنى .. نظرتك ليا لما باكون باستناكى .. وألاقيكى جاية من بعيد
وحشتنى ضحكتك .. اللى كنتى بتضحكيها لما اقرالك الأخبار
وحشتنى بسمتك .. لما كدبت عليكى فـ مرة وقلتلك إنى معرفش ليلى
وحشتنى فرحتك .. بالقصايد اللى كنت باكتبهالك
وحشتنى غيرتك .. من اصحابنا ، لما كنت بانقل محاضرة منهم
وحشتنى لهفتك .. يوم ما عملت نفسى باغرق فى راس البر
وحشتنى كل حاجة فيكى
حتى نرفذتك .. لما كنت مابانامش بسبب الكمبيوتر
حتى زعلك منى .. يوم ما قلتلك ماتمشيش مع البنى آدمه اللى اسمها لميا
كل حاجة فيكى وحشتنى
كل حاجة
فاكرة أول مرة أقابلك فيها ؟؟
فاكرة إزاى انا ماكنتش مجمع زى ما قولتيلى ؟؟
اهو انا دلوقتى من غيرك
اكتر من ضايع
ارجوك لو دخلتى – غلطة – على واحد من الناس
ارجوك .. حتى لو نسيتينى تتصلى بيا
حتى لو ماعدتيش بتفكرى فيا
حتى لو قررتى تنسينى
ارجوكى .. اتصلى بس
نفسى أسمع صوتك
نفسى أكلمك .. وتكلمينى
فاكره
قصيدة : اسرار
اللى كل اصحابنا عرفوها
والله أنا اللى كتبتها
عشانك انتى
بس ماكانش عندى الجرأة إنى أقولك فى الأول
وخفت لا تزعلى بعد كده
والله واحشانى
مش عارف اكتب إيه
بس نفسى توصلك رسالة واحدة بس
أنا لسه .. بحبك
ياسمين
انت اغلى حاجة بالنسبالى
انت كل حاجة أساسا
أنا عارف إنك زعلانه
بس أقسم بالله اللى حصل كان غصب عنى
ماكنتش أتوقع إن غلطة واحدة صغيرة كده
افضل اتحاسب عليها العمر دا كله
حرام كده فعلا
انا على استعداد اخسر كل حاجة بس اعرف طريقك
انا على استعداد اكتب عنوانى هنا بكل التفاصيل
بس اعرف انك بتدخلى واحد من الناس
أنا متأكد إنك بتدخلى هنا
وأرجوك سيبى تعليق
أى حاجة بسيطة تأكد ليا انك سامعانى
اى حاجة تأكدلى إنك حاسسة بيا
والله لسة بحبك
وهافضل أحبك
عايز أعرف بقى انتى لسه فاكرانى ولا لأ
يا ترى .. بتفكرا فيا 1/4 ما بافكر فيكى ؟؟
انتى فين
والله رقمى اتغير غصب عنى … والله التليفون بتاعى ضاع
وماحدش يقدر يرجعلى الخط بتاعه غيرك .. العقد بإسمك
طب بصى
أنا رقمى الجديد
0111658730
وانا متأكد إنك بتدخلى هنا
ارجوك اتصلى بيا
ابعتيلى رسالة لو حتى مش من تليفونك
تعرفى
أنا باقلب فى المدونات اللى فى العالم كلها .. عشان اشوف مدونتك؟؟
الجوجل بيقولى ارحمنى
وانا باقولك .. تبقى صعبه عليا قوى .. لو عرفت إنك بتدخلى مدونتى وماقلتليش
انا غيرت النيك نيم بتاعى عشان اظهر إسمى الحقيقى
يمكن تكونى ماعرفتيش إنى غازى
والله واحشانى
ووالله بحبك
ووالله بحبك
ياسمين
لو مش متأكده لحد دلوقتى إنى غازى اللى تعرفيه
فالقصيدة دى تأكد
:::::::::::::::::::
.. لحظة العشق
.. يتملكنا الوجوم
.. وتهوى على هامتينا
.. سياط الكرى
.. وتلال الغيوم
:: :: :: ::
لحظة العشق
.. أكشف عن وطنى المستباح
.. يضاجعه الغرباء .. بليل الجراح
.. أحاور نفسى .. لألقى على ما لقيت جوابا
.. أقاتل نفسى
ولكن
لم يأت بعد الصباح
.. وتاهت بليلى كل النجوم
:: :: :: ::
لحظة العشق
.. أكشف كل الحقائق
.. أعرف ماذا حدث
لصوت السكون
وأعرف ماذا ورا الستائر
ماذا تخبىء تلك التوابيت فى القلب
.. ماذا يدور
.. خلف أودية الموت
.. وخلف سواد العيون
:: :: :: ::
لحظة العشق
يظهر وجه الوجود
.. يصارع كل وجوه العدم
.. يقاتل بالموت .. بالروح .. بالحب .. بالدم
.. ويسقط .. بين الوجوه صريعا
.. لتبنى على قلبه آلاف السدود
.. بعد أن تشنقه الجروح
وتسرق منه صدى روحه
( ذبذبات الألم )
:: :: :: ::
لحظة العشق
أشعر أنك دنيا قتيلة
.. بلهجة خوف ذليلة
تظلبين الأمان .. وتستشعرين الخطيئة
.. على نبض ما فات من لحظات جميلة
:: :: :: ::
( ياسَمين )
أنت لحظة عشقى
ولحظة زورى .. وصدقى
ولحظة .. حقى
وانت كلامى
وصوتى
وصمتى
وعمقى
….
أعتقد بقى إنك بعد دى .. إتأكدتى أنا مين
وحشتينى
وحشتينى أوى أوى أوى أوى أوى
! .. ياسمين .. وداعــا
سبتمبر 6, 2007 في 11:58 م (فى الوادى)
! .. ياسَمينُ .. وداعـاً
فما أجمل العمـر ؛
! .. حين تكون النهاية .. فصل الوداع
وما أسعد القلب ؛
! .. حين تحف به زكريات الضياع
وما أبئس الحب ؛
! .. إن لم تعانقه ذبذبات الخــداع
—-
ياسمين .. اتركينى
.. دعينى أموت هنا .. وارحلى
.. دعينى أفتش خلف السراب – بلاك – عن الغد .. وعن نور مستقبلى
.. دعينى أعيش بلا نور عينيك عصر الظلام
اتركينى وحيدا .. ولا تخجلى
—-
.. ياسمين الجميلة .. والشمس , والبحر , والموج , واللحظات السعيدة
كيف اكمل من دون وجهك عمرى ؟؟
.. كيف أبدأ من دون عينيك رحلة قلبى
.. لغزو الضفاف البعيدة ؟؟
.. كيف يصمد فى وجه بعدك صبرى ؟؟
! إذا كانت الروح فيه شهيدة
كيف تشرق فى هامتى الشمس ؟؟
حين أسطر من بعد موتك شعرى , وكيف تكون القصيدة ؟؟
—-
ياسمين .. اسمعينى
فقد مات بعد شعرى
.. وانتحرت كلماتى
.. وسالت دمائى من مقلتىّ
.. وحوصر بين الغياهب نثرى
وقلبى الذى كان سر الحياة
!! … أصبح الآن قبرى
—-
.. ياسمين القريبة والغائبة
تمنيت ألا أبوح .. وأخرست صوتى
.. ولكن كلماتى عاندتنى
وردت سكونى
.. وقتلت فى القلب صمتى
اعلمى يالحبيبة .. والأم .. والقاتلة
يالصليب على جانبى .. ومشنقتى فى يدى
ويالعادلة
إذا كنت بعتى الهوى
فأنا لن أبيع
وإن كنت تنوى ضياعى
فقسما : أنا لن أضيع
.. وان كنت خنت الذى بيننا
فأنا لن أخون
.. وإن كان شرط الوفا
[ هو : موتى ]
أنا لن أخون
ولو حان موتى
—-
…. أحبـــكـــ
بداية
سبتمبر 5, 2007 في 9:47 م (فى الوادى)
بدايتى .. مع حبك الهادىءذو النسمات القاتلة
كانت نهايتى إلى الأبد
فالعشق يا سيدتى
نهاية .. بلا ابتداء
والموت .. محض عشق
وأنت يا فراشتى الجميلة المدللة
عشقى .. الذى قد آئر انتهائى
وليس منه بد
قولى إذا
يرحمك الإله يا ضحيتى
قد كنت قبلى عاشق محطم لكل سد
وما لعشق الروح حد
واليوم .. صرت فى الثرى
روحا .. تعانق الجراح بالجسد
فنم .. ولا تحب مرة ثانية
وإن أتاك الحب داعيا
! .. فلا ترد
أوقفوا التحقيق مع إبراهيم عيسى
سبتمبر 4, 2007 في 12:11 ص (... عاجل, مقالات وأدبيات)
افرحوا يا رجالة
ابراهيم عيسى اتقبض عليه
لولولولولولولولولولولولولوو و و وىىىى
عقبالنا يا رب
***************
تضامنوا مع ابراهيم عيسى
تضامنوا مع الكلمة الحرة
قولوا لا لدولة الظلم
اعلنوها صريحة
نحن .. نأبى القيود على ألسنتنا
قم بالنقر على الرابط
وقدم احتجاجك على التحقيق مع ابراهيم عيسى
********************
الدور على مين بعد كده يا بنى آدمين ؟؟
———————————-
تنويه : لقد تم إخلاء سبيل الأستاذ / ابراهيم عيسى … وجزاكم الله خيرا على تضامنكم
مصدر الخبر
[ شريط الإهداءات بمدونة : ياللا نفضحهم ]
تم التعديل بتاريخ 7/9/2007 بواسطة : غازى
!! يا كابتن …. انت حيوان
اغسطس 31, 2007 في 4:28 م (على مسؤليتى)
انت حيوان
!!!!!!
أيوة .. إيه غريبة ؟؟
ومش بس كده .. انت كمان حمار
:: ::
وتافه وعديم الشخصية
:: :: إيه .. كلامى موش عاجبك ؟؟ طب ليه ؟؟؟ لأنك مانتاش كده؟؟ وغبى
:: ::
:: ::
؟؟؟؟؟
عامللى فيها أسد عالناس الغلابة
وانت مجرد كلب .. بينضرب كل يوم بالجزمة على دماغ اللى جابوه
والكلاب أنواع
كلب : عارف إنه كلب .. ومقتنع بكده وراضى …. وده أكلب الكلاب
وكلب : عارف إنه كلب بس بيحاول يحسن من كلوبيته .. وده أحسن الكلاب
وكلب : مش عارف أساسا إنه كلب .. بس عايش فى حاله .. ودا أحقر الكلاب
وكلب : مش عارف برضة بس مشكلته إنه واخد فى نفسه مقلب .. مفكر انه أسد وهو أساسا حتة حشرة
.. وده بقى ( إنتا ) .. فعلا
:: ::
ولا لأن الشتيمة دى جاية منى أنا ؟؟
:: ::
لو اعتبرنا ان كلامى موش عاجبك عشان السبب الأولانى اللى هو انك مش كده .. تبقى غلطان
لأنك كده غصب عنك
بنى آدم حقير
وزبالة
عارف ليه ؟؟
عشان السبب الحقيقى اللى مزعلك هوا التانى
اللى مزعلك فعلا .. إن الشتيمة دى جاية منى أنا
صح ؟
لأنها لو كانت من حد تانى زى ظابط بوليس , أو عسكرى أمن , أو حتى مواطن عادى بس واصل شوية
كنت هاتقبلها .. سواء بمزاجك
أو غصب عنك
صح ..؟؟
أيوة صح .. ومتآوحش
طب أقولك .. إسأل نفسك
بينك .. وبينك برضه , وشوف الرد هايبقى إيه
عرفت بقى إنت ليه بنى أدم
زبالة ؟؟؟
مجهود رائع .. مكلل بالفشل
اغسطس 29, 2007 في 10:25 م (صورة وتعليق)
تفنكروا …. هوا دا الحل ؟؟
هى دى الطريقة اللى أصبح العرب , بيعيروا بيها عن أمانيهم
صورة .. وتركيب .. وتعب … ومشواااااااااار طويل عشان فى النهاية تطلع دى؟؟
أنا معاك ياللى عملتها إننا نفسنا كلهم يبقوا كده
بس أعتقد .. إن دى مش الطريقة اللى نعبر بيها عن اللى نفسنا فيه
: ربنا يتوب علينا من اتنين
الظلمة
والأغبياء
وربنا ينتقم من التانيين أكتر من الأولنيين
هى دى الطريقة اللى أصبح العرب , بيعيروا بيها عن أمانيهم
صورة .. وتركيب .. وتعب … ومشواااااااااار طويل عشان فى النهاية تطلع دى؟؟
أنا معاك ياللى عملتها إننا نفسنا كلهم يبقوا كده
بس أعتقد .. إن دى مش الطريقة اللى نعبر بيها عن اللى نفسنا فيه
: ربنا يتوب علينا من اتنين
الظلمة
والأغبياء
وربنا ينتقم من التانيين أكتر من الأولنيين
